தீபாவளி ஸ்பெஷல் !!!

Wednesday, November 20, 2013

பருப்பு சாதம் / Dal Rice

                                                   
பரிமாறும் அளவு - 2 நபருக்கு

தேவையான பொருள்கள் -
  1. அரிசி - 150 கிராம் 
  2. பருப்பு - 75 கிராம் 
  3. தக்காளி - 1
  4. மிளகாய் தூள் - 1 தேக்கரண்டி 
  5. சீரகத்தூள் - 1 தேக்கரண்டி 
  6. மஞ்சள் தூள் - 1/2 தேக்கரண்டி 
  7. காயத்தூள் - 1/4 தேக்கரண்டி
  8. உப்பு - தேவையான அளவு 
  9. மல்லித்தழை - சிறிது                                       
     தாளிக்க -
  1. எண்ணெய் - 3 மேஜைக்கரண்டி 
  2. கடுகு - 1/2 தேக்கரண்டி 
  3. உளுந்தம் பருப்பு - 1/2 தேக்கரண்டி 
  4. வெங்காயம் - 1/4 பங்கு 
  5. கறிவேப்பிலை - சிறிது                                  
     செய்முறை -
  1. முதலில் அரிசி, பருப்பு இரண்டையும் கழுவி 350 மில்லி தண்ணீர் சேர்த்து  குக்கரில் 1/2 மணி நேரம் ஊற வைக்கவும். 
  2. தக்காளி, வெங்காயத்தை பொடிதாக நறுக்கி வைக்கவும்.
  3. ஊறிய அரிசி, பருப்புடன் மிளகாய்தூள், சீரகத்தூள், மஞ்சள்தூள், காயத்தூள், உப்பு, நறுக்கி வைத்துள்ள தக்காளி சேர்த்து நன்றாக கலக்கி மூடி அடுப்பில் வைக்கவும். 
  4. நீராவி வந்ததும் வெயிட் போடவும். முதல் விசில் வந்ததும் அடுப்பை சிம்மில் வைத்து 15 நிமிடம் கழித்து அடுப்பை ஆப் பண்ணவும்.
  5. நீராவி அடங்கியதும் மூடியை திறந்து மல்லித்தழை சேர்த்து சாதத்தை நன்கு கிளறி விடவும்.
  6. அடுப்பில் கடாயை வைத்து எண்ணெய் ஊற்றி சூடானதும் கடுகு போட்டு தாளிக்கவும். கடுகு வெடித்தவுடன் உளுந்தம்பருப்பு, கறிவேப்பிலை, வெங்காயம் சேர்த்து வதக்கவும்.
  7. வெங்காயம் நல்ல பொன்னிறமானதும் சாதத்தில் சேர்த்து கிளறி பாத்திரத்திற்கு மாற்றி விடவும். சுவையான பருப்பு சாதம் ரெடி. 

No comments:

Post a Comment

Related Posts Plugin for WordPress, Blogger...